RHEOLAU CYSTADLU

ER MWYN CYSTADLU YN RAS RYNGWLADOL YR WYDDFA MAE’N DDYLETSWYDD ARNOCH YMGYFARWYDDO GYDA’R RHEOLAU ISOD:

1. Rhaid i bob cystadleuydd fod dros 18 oed

2. AMODAU CYSTADLU: Dylai fod gan ymgeiswyr o leiaf 12 mis o brofiad rhedeg mynydd mewn o leiaf un ras categori canolig neu hir ‘A’ neu farathon (hanner neu lawn) cyn dyddiad Ras yr Wyddfa

3. Bydd y dyddiad cau ar gyfer ymgeiswyr ar y 1af o Orffennaf neu pan fydd 500 o redwyr (yr uchafswm) wedi cofrestru. Ni dderbynnir ceisiadau wedi’r dyddiad cau.

4. Rhaid i bob rhedwr gael ei rif personol ar y diwrnod. Ni chaniateir newid rhifau nac enwau.

5. Rhaid gwisgo’r rhif yn amlwg ar flaen eich crys rhedeg.

6. RHAID mynd at farshal neu swyddog o’r ras os yn penderfynu rhoi’r gorau iddi yn ystod y ras. Gall peidio â gwneud hyn olygu y byddai unrhyw gais arall i Ras yr Wyddfa yn cael ei gwrthod yn y dyfodol.

7. AMSERU ELECTRONIG. Pan roddir ‘chips’ electronig rhaid eu gosod yn ddiogel yn ôl y cyfarwyddiadau amgaeëdig. Cyfrifoldeb y rhedwr yw sicrhau fod y ‘chip’ hwn yn cael ei ddychwelyd ar ddiwedd y ras neu’n cael ei yrru at Drefnydd y Ras o fewn 14 diwrnod i’r ras. Codir ffi o £20.00 os na ddychwelir y teclyn a gellid gwrthod unrhyw gais arall i redeg yn Ras yr Wyddfa.

8. Y TYWYDD. Dylid cario het, menig a dillad glaw addas rhag ofn y bydd y tywydd yn arw. Gall y pwyllgor fynnu bod y rhedwyr yn cyrraedd Clogwyn o fewn awr i ddechrau’r ras mewn tywydd garw neu ganslo’r ras yn gyfan gwbl. Ni fydd y ffi cystadlu’n cael ei ddychwelyd mewn amgylchiadau o’r fath.

9. Rhaid rhedeg yn ôl rheolau UK Athletics

NODER: mae rhedeg mynydd yn gamp beryglus. Rhaid i chi fod yn ymwybodol o’r anafiadau posib cyn cystadlu. Rhaid i chi ddatgan ar y ffurflen gais na fydd pwyllgor Ras Rhyngwladol yr Wyddfa yn gyfrifol mewn unrhyw ffordd am eich diogelwch na’ch eiddo yn ystod y ras. CHI sy’n gyfrifol am eich diogelwch personol.
 

DIFFINIAD O RAS FYNYDD CATEGORI A

‘M’ Ras ganolig o 6 milltir neu fwy ond yn llai na 12 milltir, gyda dringfa o o leiaf 250’ y filltir.

‘L’ Ras hir dros 12 milltir gyda dringfa o o leiaf 250’ y filltir.